24  فروری‬‮  2018
تازہ ترین

وہی ہوا جس کا ڈر تھا ۔۔۔ بھارتیوں پاکستانی اداکارہ صبا قمر کو اب تک کا سب سے بڑا جھٹکا دے دیا

وہی ہوا جس کا ڈر تھا ۔۔۔ بھارتیوں پاکستانی اداکارہ صبا قمر کو اب تک کا سب سے بڑا جھٹکا دے دیا گزشتہ برس ریلیز ہونے والی بولی وڈ فلم ’ہندی میڈیم‘ کے سیکوئل بنانے کی تیاریاں اپنے آخری مراحل میں ہیں۔فلم کے سیکوئل میں اس بار بھی عرفان خان دہلی کے امیر کاروباری شخص کا کردار ادا کرتے نظر آئیں گے، تاہم تاحال فلم کی ٹیم نے مرکزی اداکارہ کا اعلان نہیں کیا۔

 

 

 

 

 

 

 

 

 

 

پہلی فلم میں صبا قمر نے عرفان خان کی بیوی کا کردار ادا کیا تھا، تاہم اس بار ان کو فلم میں کاسٹ کیے جانے کا امکان کم ہے۔ممبئی مرر نے اپنے ذرائع سے بتایا کہ ’ہندی میڈیم‘ کے سیکوئل کے لیے بولی وڈ کے چھوٹے خان سیف علی خان کی 25 سالہ بیٹی کو کاسٹ کیے جانے کا امکان ہے۔سارہ علی خان جو ان دنوں اپنی پہلی بولی وڈ فلم ’کیدر ناتھ‘ کی شوٹنگ میں مصروف ہیں، انہیں فلم میں عرفان خان کی بیٹی کا کردار دیا جائے گا۔فلم کی ٹیم کے قریبی ذرائع کے مطابق اس بار فلم کی کہانی میں تھوڑی سی تبدیلی کی جائے گی، اس بار عرفان خان کی بیٹی کو 5 سال کے بجائے 14 سے 18 سال کی عمر کا دکھایا جائے گا۔فلم کے سیکوئل میں عرفان خان کی بیٹٰی کو نرسری اسکول کے بجائے ہائی اسکول میں تعلیم حاصل کرتے ہوئے دکھایا جائے گا، جس کے لیے فلم کی ٹیم سارہ علی خان کو کاسٹ کرنے پر غور کر رہی ہے۔اگرچہ فلم کی ٹیم نے حتمی طور پر اس کی تصدیق نہیں کی، تاہم امکان یہی ہے کہ سارہ علی خان کو ہی عرفان خان کی بیٹی بنایا جائے گا۔علاوہ ازیں فلم کی ٹیم کے قریبی ذرائع نے کہا کہ اس بار پاکستانی اداکارہ صبا قمر کو کاسٹ نہ کیے جانے کا امکان بھی ہے۔

 

 

 

 

اس حوالے سے تصدیق کرنے کے لیے جب فلم کے پروڈیوسر سے رابطہ کیا گیا تو انہوں نے تفصیلات بتانے سے گریز کرتے ہوئے کہا کہ وہ اس وقت اسکرپٹ کرنے میں مصروف ہیں۔ہندی میڈیم کے سیکوئل کی خاص بات یہ ہوگی کہ اس میں سارہ علی خان کی والدہ امریتا سنگھ کو بھی ایک بار پھر اسکول کے پرنسپل کے کردار کے لیے کاسٹ کیا جائے گا، پہلی فلم میں بھی انہوں نے ہی پرنسپل کا کردار ادا کیا تھا۔واضح رہے کہ اس سیریز کے پہلے فلم کو دنیش وجن نے پروڈیوس کیا تھا، جب کہ بشن کمار نے اس کی ہدایات دی تھیں، اور دونوں کے درمیان فلم کے سیکوئل بنانے سے متعلق بھی معاہدہ ہوچکا ہے۔ہندی میڈیم‘ کو مئی 2017 میں ریلیز کیا گیا تھا، فلم نے اگرچہ 100 کروڑ روپے سے کم کمائی کی، تاہم وہ بیسٹ فلم کا فلم فیئر ایوارڈ جیتنے میں کامیاب گئی تھی۔اسی فلم میں اداکاری کرنے پر عرفان خان کو بھی بہترین اداکار کا ایوارڈ دیا گیا تھا، اگرچہ صبا قمر کو بھی اسی فلم میں اداکاری کرنے پر بہترین اداکارہ کے لیے نامزد کیا گیا تھا، تاہم وہ ایوارڈ حاصل کرنے میں ناکام رہی تھیں۔

انٹر نیٹ کی دنیا میں سب سے زیادہ پڑھے جانے والے مضا مین
loading...